反修例風波引起的示威衝突持續3個多月，示威者暴力不斷升級，警隊卻仍然持續使用最低武力，並以驅散為主要策略。本身認識很多前線警務人員，對近日社會風波非常關心的國藝娛樂文化集團主席冼國林，接受《堅料網》獨家專訪時認為，這完全是警隊管理層的指揮不善、戰略錯誤，促請警隊採取強硬手法，並好好利用法例賦予的拘捕權，真正做到「止暴制亂」。
「而家警察平亂無乜大成績，唔係前線警察唔努力，完全係幕後嘅管理層指揮不善！」冼國林直言，非常同情前線警務人員的處境，面對軟弱怯懦、不想「孭鑊」的管理層，只能一直以容忍和克制去執行職務。
冼國林不認同現時有很多市民對警隊的支持度低，反而市民怨恨的是警隊管理層：「我認識好多前線警員，佢哋話（上司）叫佢哋企響度，企個幾兩個鐘，都無落order（指令）叫佢哋做嘢，由得對面響度叫囂。呢啲係咩戰略嚟呀？」
冼國林不諱言，警隊形象淪落至今時今日的地步，警務處處長盧偉聰和保安局局長李家超等責無旁貸：「盧偉聰今年就退休喇；警務處15個助理處長，全部瞓緊覺嗎？呢個時候，李家超去咗邊？完全失蹤！」
警隊無無充分利用裝備
有人質疑警方使用過度武力，但冼國林反指，警方武力過於約束，更沒善用好裝備，是警隊戰略上的失誤：「三萬警隊，裝備精良。雖然嗰班人（示威者）越來越離譜，但裝備始終都係警隊優勝，但我哋有無充分利用呢？」
他直言：「再用催淚彈已經無用㗎喇，你睇對方，已經full gear（全副武裝），執返嚟掟你你仲唔用高一級嘅武力？」他說，雷鳴燈、布袋彈，甚至鮮有露面的木彈槍，警員都應該善用：「我唔係叫你瞄準佢個頭，打下肢唔得咩？正常，離遠佢哋響度掟磚、汽油彈，你就可以開槍啦。仲用警棍？邊度夠人打呀？佢哋武力升級，你就要升級啦！」
冼國林續指，現時警方在執行職務上，有些法例亦沒有善用：「而家係咪有好多人辱警？辱警喺香港暫時係無罪嘅，但係喺公眾地方行為不檢，係有罪嘅。用辱罵字眼、言語、圖畫等，引起附近嘅人不安，呢班人全部拉得啦！有無做到？無！」
另一個有法不執的例子：「而家你見到有人full gear（全副武裝）喺街上面，佢無足夠理由解釋嘅，就可以告佢遊蕩罪啦，點解唔告？」
現時警力足以應對
冼國林認為，整個反修例運動中，大部分都是和理非、反暴力的市民，而真正活躍的暴徒，其實只得幾千人，現時警力是足以應對，只差在警察的策略是否「對症下藥」。「最離譜嗰次，警察總部竟然畀人圍16個鐘都有，係無可能嘅！正常唔到一個鐘，全港防暴隊都要過來清場啦。」
自此之後，暴徒的膽子亦因此壯大：「之後就走去圍晒全港嘅差館，班警察就匿晒響入面，點解唔出來？」冼續說：「其實好簡單，用強硬手法，全部圍捕，有晒cam（攝錄機）影低晒，到時無得賴話係街坊路過。」
他舉例指：「圍深水埗警署（的人）試過少到百幾人，單憑警署內嘅500多個警力，基本上都足夠啦，點會控制唔到？」
